बुटवल, भदौ ।
रुपन्देहीमा सफल फलफुल व्यवसायीको रुपमा पहिचान बनाएका नुरुद्दीन शाहले ‘अर्गानिक जोन’ को रुपमा खेती गर्ने योजना अगाडी बढाएका छन । खासगरी तरकारी र फलफुल अर्गानिक रुपमा उत्पादन गरी स्वदेशमा मात्र नभई विदेशमा समेत निर्यात गर्ने उनको भनाइ छ ।

रुपन्देहीको शुद्धोधन गाउँपालिका वडा नम्बर–२ कलुवामा करिव १० विघा क्षेत्रफलमा शाहले अहिले आँप, मेवा, लिची, एभोकाडो, लगायतका करिव ३ हजार भन्दा बढि फलफलका विरुवा रोपेका छन् । आज भन्दा करिव ८ बर्ष देखि निरन्तर फलफुल, तरकारी खेती गर्दै आएका उनले यो पटक भने लोकल कुखुरा, हाँस, टर्कीका साथै पशुपालनमा बाख्रा, भैसी र गाई समेतपालन गरेका छन ।

शाह ब्रर्दश मल्टी प्रपोज एग्रो फर्म नाम दिए सुरुवात गरेका शाहले निकट भविश्यमा १० विघाहा जमिनमा एउटा स्तरिय कृषि पर्या पर्यटनको गन्र्तव्य समेत बनाउने गरी योजना अगाडी बढाएका छन् । करिव ४ विघा भन्दा बढि क्षेत्रफलमा माछा पोखरी निर्माण गरी माछा पालन, स्वीमीङ्ग पुल सहितको अर्गानिक रेष्टुरेन्ट पनि सञ्चालनको योजना आफुले बनाएको उनको भनाई छ ।
पछिल्लो समयमा कृषि क्षेत्रमा आउने व्यवसायीहरुको चाँप बढि भएको भएपनि तर यसलाई निरन्तरताको खाँचो रहेको शाहको भनाई छ । बुटवलमा व्यवसायीक रुपमा फलफुलको व्यवसाय गर्दै आफ्नै कोल्ड स्टोर समेत सञ्चालन गरिहेका शाहले केही बर्ष पहिला किनेको जग्गालाई पुर्णरुपमा हराभरा बनाउने योजनाको साथमा अगाडी बढेका छन । विगत सम्झीदै उनी भन्छन्–‘घोला किनाराको जग्गामा मा पहिला झाडी झाडी मात्रै थियो, त्यसलाई पुर्णरुपमा सफा गरेर हामी तरकारी, फलफुल खेतीमा जोड दिएका हौ । ’

भएको जग्गा समेत बाँजो राखेर विदेश जाने परिपाटी सधैको लागि अन्त्य गर्नुपर्ने सोँच राखेका शाहले तरकारीमा टमाटर, धनिया, खुर्सानी, गोभी लगायतका तरकारीका विभिन्न जातहरु रोपेका छन । बेमौसममा तरकारी उत्पादन गर्ने गरी टनेल खेती समेत विस्तार गर्ने योजना बनाएका उनले निकट भविश्यममा विभिन्न प्रजातीका चराहरु पालन गर्ने सोँच बनाएका छन ।

खासगरी मानिसहरुले उपभोग गर्ने भन्दा पनि अध्यायन अनुसन्धानको लागि समेत आफ्नो फर्ममा आउने वातावरण निर्माण गर्नका लागि शाहले फर्म प्रवेश द्धारको दायाँ बायाँ आर्कषक प्रकृतिका चरा प्रजातिका विभिन्न पंक्षि पालन गर्ने सोँच बनाएका छन ।
पंक्ष्ी ोत्रमा विशेष रुची राख्नेहरुको लागि एउटा चिडीया घर जस्तो गरी हाँसमा पनि विभिन्न जातका, कुखुरामा लोकल, कडकनाथ, देखि लिएर विभिन्न विदेशी जातहरु, कालिज देखि लिएर बट्टाई चरा सम्म केही संख्यामा पाल्ने योजना बनाएको शाहको भनाई छ ।

शुद्ध अर्गानिक रिर्सोटको रुपमा विकास गर्ने गरी संरचना निर्माण गर्ने योजना बनाईरहेका शाहले मदिरा रहित अर्गानिक जोनको रुपमा आफ्नो स्थानलाई प्रयोग गर्ने जानकारी दिए । खासगरी मानिसहरुले प्रकृतिक मानोरम, चराहरुको चिरविर, नजिकै रहेको खेलाकै नजिकै स्वीमिङ्ग पुलमा मज्जा लिदै, आफ्नै हातले माछा फिसिङ्ग गरी, आफै पकाएर, करिव १ दिनको मनोरञ्जन लिन सकिने क्षेत्रको रुपमा निर्माणगर्न खोजिएको बताउँछन ।
आफ्नै बारीमा उत्पादन भएको तरकारी, कुखुरा, माछा लगायतका परिकारहरु उपभोक्ताहरुको रुची अनुसार उहाँहरु आफैले नै पकाएर उपभोग गर्न सकिने खालको ओपनवेश अर्गानिक रिर्सोटको परिकल्पना गरिएको शाहको भनाई छ ।

यस्तो प्रकृतिको अर्गानिक जोन नेपालमा कमै मात्रामा भएको भन्दै उनले विहानको नास्ता देखि खाना, नास्ता लगायतका सबै परिकारहरु दिनभरी नै रिर्सोटमा बस्ने र त्यहि नै मनोरञ्जन लिने खालको प्रर्वद्धनका काम आफुले गर्ने समेत सोँच बनाएको शाह बताउँछन । एकान्त प्रकृतिको वातावरण भएको कारण शहरको कोलाहल बतावारण बाट केही समय भएपनि सितलना, आरमा प्राप्ती हुने भएको कारण यसलाई अझ मनोरञ्जनात्मक बनाउनको लागि मचानको समेत निर्माण गर्ने योजना बनाइएको शाहको भनाई छ ।

शाहले विदेशका विभिन्न जातका आँप समेत लगाएका छन । विश्वमा सबैभन्दा बढि महंगो पर्ने अल्फान्सो जातको आपको समेत परिक्षणको लागि लगालएका छन । यस्तै मेवामा विभिन्न जातका मेवाहरु छन् भने सुगर, प्रेसरका विरामीहरुको लागि उत्तम, बहुउपयोगी एभोकाडो फलका विरुवाहरुसमेत उनको बारीमा हुर्कीरहेका छन । कागती का पनि विभिन्न प्रजातीहरुलाई उनले रोपेका छन, तराईमा पाईने लायम प्रजाति देखि लिएर सुन कागती सम्मका बोटहरु अहिले शाह बर्दश मल्टी प्रपोज एग्रोफर्ममा हुर्कीरहेका छन ।
पछिल्लो समयमा भएको विषम परिस्थीतिको कारण अझै बढि व्यापक रुपमा काम गर्न नसकेको भएपनि निकट भविष्यमा च्याउका विभिन्न प्रजातिको व्यवसायीक खेती गर्ने समेतयोजना बनाइएको शाहको भनाई छ । @butwal_todaY _daily