
बुटवल, भदौ ।कृषि तथा पशु विज्ञान तहमा डिप्लोमा लेवलको एक मात्रै सरकारी विद्यालय जनता माध्यमिक विद्यालय सियारी गाउँपालिका वडा नम्बर–७ अमुवा बजारमाा नयाँ शैक्षिक सत्र २०७७/७८ को लागि डिप्लोमा र प्रि– डिप्लोमा लेवलमा नयाँ भर्ना खुलेको छ । वि.स. २०६१ सालबाट प्राविधिक शिक्षाको सुरुवात गरेको विद्यालयले खासगरी दक्ष जनशक्ति उत्पादन र स्वरोजगारमा विशेष जोड दिदै आएको छ ।
प्रदेश ५ कै उत्कृष्ठ प्राविधिक विद्यालयको रुपमा रहेको उक्त विद्यालयले प्राविधिक शिक्षा तथा व्यवसायीक तालिम परिषद् (सिटीईभीटी)बाट सम्बन्धन प्राप्त गरी डिप्लोमा लेवलमा र प्रि–डिप्लोमा लेवलमा बाली तथा तथा पशु विज्ञान अध्यापन गराईरहेको छ ।
विद्यालयका अनुसार डिप्लोमा लेवलको ३ बर्षे वाली तथा पशु विज्ञान र १८ महिनाको प्रि–डिप्लोमा लेवलको (टेक्स कार्यक्रम)मा नयाँ भर्नाको खुलाएको हो ।
प्राविधिक शिक्षा तथा व्यावसायिक तालिम परिषद यहि भदौ २६ गते प्रकाशित सुचना अनुसार विद्यालयमा संचालित ३ वर्षे डिप्लोमा तह पशुविज्ञान तथा १८ महिनाको प्रि–डिप्लोमा तह वालीविज्ञान विषयको शैक्षिक शत्र ०७७÷०७८ का लागि भर्ना खुलाएको हो ।
विद्यालयको सिसटिईभिटी संयोजक सुमित भुषालका अनुसार फाराम वितरण यहि २६ गते देखि असोज १५ गते विहिवार सम्म रहेको छ । ३ बर्षको डिप्लोमा लेवलको कृषि तथा पशु विज्ञान अध्यनको लागि । एसईईमा अग्रेजी, गणीत दुई विषयमा ‘सी’ र अन्य कुनै एक विषयमा ‘डि’ ग्रेड ल्याएका फार्म भर्ना पाउनेछन । डिप्लोमा तहका लागि आवदेन फर्मको लागि विद्यार्थीहरुले ८ सय रुपैयाँ लाग्ने छ ।
प्रत्येक कार्यक्रममा ४०/४० जनाको मात्रै सिट रहेको भन्दै विद्यालयले छिटो भन्दा छिटो भर्ना हुनको लागि विद्यार्थीहरुलाई आग्रह गरेको छ ।
टिएसएलसी(प्रि–डिप्लोमा)लेवलको १८ महिनाको वाली विज्ञान तथा पशु विज्ञान अध्यानको लागि ५ सय रुपैयाँ फारम शुल्क राखिएको छ । जसको लागि एसएलसीमा पास वा एसईईमा ‘ई’ग्रेड ल्याएका फार्म भर्नपाउँछन । विद्यालयले अगामी दिनमा सबै विद्यार्थीहरुले पढ्दै कमाउदै गर्ने गरी कार्यक्रम सञ्चालनगर्ने तयारी गरेको छ । खासगरी प्राविधिक धारका विद्यार्थीहरुले कमाउदै पढ्दै गर्दा व्यवहारिक ज्ञान समेत हासिल गर्न सकिने भएको कारण यस्तो कार्यक्रम ल्याउनलागिएको विद्यालयको सिटिईभिटी कार्यक्रम संयोजक सुमित भुषालले जानकारी दिनुभयो ।
विद्यालयले सिटिईभिटीका छोटो अवधीका कृषि तथा पशु सम्बन्धी तालिम समेत सञ्चालन गर्दै आएको छ।