बुटवल, जेठ ।
कृषि सञ्चार अभियान्ता नेपाल कृषि पत्रकार प्रतिष्ठान (जोना) का अध्यक्ष गोविन्द शर्माको सवारी दुर्घटनामा निधन भएको छ ।
ललितपुरको धोबिघाटमा स्कार्पियोले मोटरसाइकललाई ठक्कर दिँदा तत्कालिन प्रेस सेन्टर काठमाडौंका अध्यक्ष गोविन्द शर्मा सहित २ जनाको ज्यान गएको हो ।
पत्रकार शर्मा नेपालकै पहिलो कृषि टेलिभिजनका संस्थापक स्टेशन प्रमुख थिए भने तत्कालिन प्रेस सेन्टर नेपाल काठमाण्डौ शाखाका अध्यक्ष समेत थिए ।
उनी केही समय देखि परिक्षण प्रशारणमा आएको ‘किसान टेलिभिजन’का अध्यक्ष समेत हुन । बा १६ च ४७४३ नम्बरको स्कार्पियोले बा ४३ प ९८६३ नम्बरको मोटरसाइकललाई ठक्कर दिँदा मोटरसाइकलमा सवार नुवाकोटका २८ वर्षीय चन्द्रमणी मुडभरी र गोदावरी, ललितपुरका ४० वर्षीय गोबिन्द शर्मा घिमिरेको मृत्यु भएको प्रहरीले जानकारी दिएको छ ।
दुर्घटनामा परेका २ जनालाई नर्भिक अस्पताल लगिएको र उपचारका क्रममा दुवैको मृत्यु भएको प्रहरीले जनाएको छ ।
सुरुमा २ वटा जीप ठोक्किएको र त्यसपछि थप अर्को एउटा जीप र मोटरसाइकल ठोक्किँदा दुर्घटना भएको प्रहरीले जनाएको छ ।
